Gunnar Hrafn Birgisson er klínískur sálfræðingur með yfir 40 ára reynslu af greiningu og sálfræðimeðferð. Hann sérhæfður í Rökænni tilfinninga- og atferlismeðferð (Rational Emotive Behavior Therapy eða REBT, https://albertellis.org) og meðlimur í alþjóðasamtökunum https://www.iarebt.org/. REBT er hin upprunalega hugræna atferlismeðferð (HAM). Hágæða rannsóknir á yfir 50 árum sýna að REBT skilar árangri eins og best gerist. Það á við um fjölþættan vanda fólks á öllum aldri og hvort sem REBT er nýtt við kennslu, ráðgjöf eða í sálfræðimeðferð.
Gunnar hefur einnig sérhæft sig í Strategískri para- & fjölskyldumeðferð. Hann hefur stundað fjölskyldu-sáttameðferð; unnið rannsóknir á fjölskyldum þar sem foreldrar deila um forsjá og umgengni við börn; og unnið með þolendur og gerendur í misneytingar og ofbeldismálum.
Gunnar hefur í 30 ár sinnt matsvinnu fyrir dómstóla og barnaverndarnefndir; sáttamiðlun fyrir sýslumannsembætti; og verið sérfróður meðdómandi fyrir dómstóla, í vel á þriðja þúsund forsjár- og umgengnismála.
Gunnar hefur starfsréttindi á Íslandi og í Bandaríkjunum. Hann hefur rekið eigin sálfræðistofu, Upptök, frá árinu 1993, sem nú tilheyrir Sálfræðisetrinu Klöpp, Klapparstíg 25-27, Rvk.
Gunnar hefur frá árinu 2013 stundað kennslu meistaranema í klínískri sálfræði við sálfræðideild Háskóla Íslands. Hann varð þar fyrsti forstöðumaður Sálfræðiráðgjafar háskólanema og handleiddi þar hátt á annað hundrað meistaranema við meðferð hátt á sjöunda hundrað skjólstæðinga.
Við Háskóla Íslands (2018-nú) leiðir hann SÁLRÆKT hópmeðferð við mismunandi vanda, annars vegar fyrir hóp íslensku mælandi nema og hins vegar fyrir hóp ensku mælandi nema.
Gunnar sat í Umsagnarnefnd sálfræðideildar HÍ um starfsréttindi og sérfræðiréttindi sálfræðinga. Einnig í fyrsta Fagráði skólans um viðbrögð við kynbundinni og kynferðislegri áreitni; og í fyrsta Stýrihópi um geðheilbrigðisþjónustu fyrir nemendur HÍ.
Gunnar kynnti Jákvæða sálfræði hérlendis upp úr aldamótum, en sú fræðigrein rannsakar karakter styrkleika og lífshamingju fólks.